نهايه خائن

""بالضبط كده،" قلت وأنا بشرب قهوتي ببرود. "هو كان فاكر إن ذكائي بيقف عند تصميم اللاندسكيب، بس نسي مين اللي كان بيظبط له ميزانيات مشاريعه لما كان على وشك الإفلاس من أربع سنين.""طب والهانم اللي كانت نايمة في سر,,ـــــيرك؟ " سأل وهو بيضحك بخبث."سيليست.. قصدي ليلى؟ دي حكايتها حكاية. دي مش مجرد واحدة جابها يقعدها مؤقت، دي طلعت مصيبة تانية أكبر بكتير.

"قبل ما أستاذ رأفت يسأل، تليفوني رن. رقم غريب. فتحت الخط، وطلع صوت ليلى.. بس مكنش صوت الدلع اللي كانت متكلماني بيه امبارح. كان صوت مرعوب، وبتعيط بجد المرادي."فريدة.. أرجوكِ اسمعيني!""سامعاكِ.. قاعدة في الشارع ولا طارق طردك زي الكلاب؟""طارق.. طارق مش اللي أنتم فاكرينه! أنا ما كنتش مصدقة، بس لما خرجنا امبارح مع بعض، لقيت في عربيته أوراق.

. و.. وو...""وإيه؟ انطقي!""هو مش بيكلمني أنا لوحدي يا فريدة.. ده بيخطط يبيع كل أصول الشركتين بتوعكم عشان يهرب بره مصر مع واحدة تانية، وكان بيستغلني أنا عشان أراقبك وأعرف أنتِ راجعة امتداد إمتى وفين، عشان يلحق ينقل الفلوس من حساباتك البنكية قبل ما تحسي! "سكتُّ ثواني. الكلمات نزلت زي الصاعقة، بس مش لأني اتفاجئت، لأني كنت متوقعة إن فيه مصيبة تانية أغمق بكتير من مجرد خيانة زوجية عادية.

بصيت لأستاذ رأفت اللي كان قاعد مبرق وعينه بتقول: "شكلنا قدام قضية أكبر بكتير مما متخيلين". قلت لليلى بصوت هادئ جداً يخلو من أي تعاطف:"تشكري يا ليلى على الهدية.. بس متقلقيش، طارق مش هيلحق يهرب، لأن المطار والبنك وكل حساباته اتحفظ عليها من ساعة ما رميت دبلته في كوباية القهوة امبارح بالليل."قفلت السكة في وشها، وابتسمت لأستاذ رأفت وقلت:"يلا بينا يا أستاذ رأفت.

. البداية الحقيقية لفسخ عضم طارق بدأت حالا."#حكايات_شروق_خالدأستاذ رأفت ضـ,ـرب كف على كف وقال بصوت عالي شوية لفت نظر اللي قاعدين في الكافيه: "يا بنتي أنتِ مش حوت ماليات، أنتِ داهية! البت ليلى دي طلعت كنز جه لحد عندك من غير ما تتعبي. "قلت له وأنا بشرب آخر بقفاي: "ليلى دي كانت مفكرة إنها هتاكل عيش على قفايا، بس طلعت بالنسبة لي جاسوسة ببلاش.

. المهم يا أستاذ رأفت، الكلام ده معناه إننا لازم نتــ,,ـــــحرك في ثانية، قبل ما يفوق من الصدمة ويحاول يهرب أي أصول بره. ""اطمني خالص يا بشمهندسة،" قالها وهو بيقفل ملفه بكل ثقة. "أنا من امبارح بالليل، وبتكليف مباشر منك، مش بس جمدت حساباته البنكية، ده أنا قدمت بلاغ عاجل للجهات المختصة بخصوص تلاعبات مالية في الشركة اللي هو ماسك إدارتها، وطلبت قرار منع من السفر فوري، وده كله خلص واحنا قاعدين نشرب قهوة الصبح!

"سكت شوية وأنا بتخيل وجه طارق وهو بيحاول يسحب فلوس أو يدفع لستره الجديد، ويلاقي كل الأبواب اتقفلت في وشه. وفعلاً، ما كملناش دقايق، ولقيت تليفوني بيرن تاني.. بس المرة دي مش ليلى، ده طارق بنفسه! التليفون قعد يترعش على الترابيزة برقم صوته اللي كان بيمثل بيه "سي السيد" في البيت.